• Frítíminn
  • Um Frítímann
  • Fréttir og greinar
    • Aðsendar greinar
    • Fréttir
    • Greinar
    • Siðferðileg álitamál
  • Útgefið efni
    • Bachelor lokaverkefni
    • Masters lokaverkefni
    • Myndbönd
    • Ritrýnt efni
  • Verkfæri
Home » Aðsendar greinar » Unglingar læra það sem fyrir þeim er haft

Unglingar læra það sem fyrir þeim er haft

27 June, 2016 Posted by Eygló Rúnarsdóttir under Aðsendar greinar

karen annaHver hefur ekki heyrt ömmu sína eða afa, foreldra sína eða jafnvel jafnaldra segja að unglingar í dag beri ekki virðingu fyrir einu eða neinu og að unga kynslóðin sé alveg hryllileg. Það virðist vera að fólkið í samfélaginu dæmi út frá svörtu sauðunum hjá unglingunum. Unglingar eru líka fólk, og eru þau á sérstökum stað í lífinu þar sem þau eru oft mjög viðkvæm og eru að vinna að og byggja upp sjálfsmynd sína. Í dag eru unglingar margir hverjir að miða sig við aðra, hvort sem það er í daglegu lífi eða á internetinu á samfélagsmiðlum.

Eldri kynslóðir telja sig oft hafa verið mikið betri unglingar heldur en unglingar eru í dag. Það eru þó margir í eldri kynslóðinni sem telja sig hafa verið mikið erfiðari unglingar heldur en unglingar eru í dag. Það þótt eðlilegt að reykja og drekka sem unglingur hér á árum áður og var það normið á þeirra tíma. En satt best að segja að þá eru unglingar í dag skynsamari og miklu meðvitaðari um til dæmis hættuna sem fylgir neyslu á vímuefnum, enda hefur unga kynslóðin fengið viðeigandi forvarnir og fræðslu.

Það er mikill munur á því að vera unglingur í dag eða fyrir 30 árum síðan. Hér á árum áður átti einelti sér oftast stað í skólanum, úti í frímínútum og í búningsklefum en þá nutu unglingar ákveðinra friðhelgi heima hjá sér, innan veggja heimilisins. Það hefur heldur betur breyst í dag. Í dag er þeim strítt í skólanum og svo heldur það áfram þegar unglingurinn kemur heim, semsagt á internetinu á samfélagsmiðlum. Það virðist vera mikil streita á unglingunum þar sem það er stöðugt áreiti á þau frá tölvunni og símanum á öllum þessum samfélagsmiðlum.  Það er ömurleg tilhugsun að það virðist vera hægt að ná til fórnarlamba eineltis næstum allstaðar í gegnum alls kyns leiðir, hvort sem það er augliti til auglitis eða í gegnum internetið.

Foreldrar þurfa að setja sig inn í þann tíðaranda sem er í samfélaginu okkar í dag og vera meðvitaðri um hvað unglingarnir sínir eru að gera á internetinu ásamt því að vera meðvituð um hvað þau skrifa sjálf á internetið. Margir hverjir úr hópi fullorðinna eru ekkert skárri þegar kemur að neteinelti. Margir fullorðnir einstaklingar eru engann veginn góðar fyrirmyndir á samfélagsmiðlum svo sem eins og á kommentakerfum og víðar. Þar tala oft fullorðnir einstaklingar niður til hvers annars og þurfa fullorðnir að vera fyrirmyndir fyrir þá sem yngri eru. Það eru ekki einungis unglingar sem leggja í neteinelti heldur er það fullorðna fólkð líka og gerir því eldra fólkið sér ekki grein fyrir því að það sé að leggja í einelti á netinu. Unglingar í dag eru m.a. mun meðvitaðari um hvað þau mega segja á netinu og hvað ekki, eða í flestum tilvikum. Eldri kynslóðin þarf hins vegar að passa sig hvað þau segja og framkvæma á samfélagsmiðlum og taka sig saman og reyna eftir fremsta megni að vera unglingunum okkar betri fyrirmyndar.
,,Það læra börnin sem fyrir þeim er haft“.

—

Karen Anna Sævarsdóttir – Nemandi á fyrsta ári við tómstunda- og félagsmálafræði við Háskóla Íslands

Tags: Einelti, foreldrar, fyrirmyndir, neteinelti, Unglingar
« Skiptir samvera foreldra og unglinga máli?
Mikilvægi hins faglærða og ófaglærða starfsmanns »
Félag fagfólks í frítímaþjónustu
Gerast áskrifandi

Efnistök Frítímanns
brottfall börn Einelti fagmennska foreldrar Forvarnir framhaldsskóli fræðsla Frístundaheimili frístundastarf Frítími fyrirmynd fyrirmyndir Félagsmiðstöð félagsmiðstöðvar félagsstarf jafnrétti kynfræðsla kynlíf landsbyggðin lýðræði netnotkun samfélagsmiðlar Samfés samskipti samvera Sjálfsmynd snjalltæki tómstunda- og félagsmálafræði Tómstundafræði Tómstundastarf Tómstundir tölvunotkun unglingalýðræði Unglingar Ungmennahús ungmennaráð Ungmenni ungt fólk uppeldi áhrifavaldar áhættuhegðun íþróttir útivist þátttaka
Nýleg virkni
Viðburðardagatal
<< Mar 2023 >>
MTWTFSS
27 28 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
Frítíminn - Fritiminn@Fritiminn.is - Allur réttur áskilinn